மாமரங்கள் பூத்தாட –மாமரக்குயில்கள்
இசைபாட –நெல் வயல்கள்
பசும் சேலைபோர்த்தி அழகுகாட்டி
பூன்னகைத்த வன்னியிது

இன்று கால்வைக்குமிடம் எல்லாம்
கால் பறிக்கும் காலனாம் –பொறிகுண்டு
அதுதாண்டி விளைநிலம் எங்கும் –மனித
எலும்புகள் சிதறிக்கிடக்குது……….

பால்தந்த பசுவும் என்னோடு –முட்டி
விளையாடிய காளைகன்றும் –எங்கே?
பால்தந்த பசுவுக்கு கால் இல்லை –இன்று
களைகன்று கானமல்போனவரோடு…………

அந்த கோர நாட்களில் –வீடு
பார்க்க வந்த என் அப்பனும் அண்ணனும்
காணாமல்போனதும் இந்த வன்னிக்குள்
இன்னும் இருவரும் வீடுவரவில்லையே ஏன்?

ஓ….. என் காலில் ஏதோ குத்திவலிக்கின்றதே?
என்ன இது? ஓ…
அது ஒரு இரட்டைமனித –எலும்புக்கூடு
இதுயாராக இருக்கும் அதுவும் –என்வீட்டுமுற்றத்தில்

ஒருவேளை காணமல்போனவரோ-இல்லை
வெள்ளைவானில் கடத்தப்பட்டவர்கரோ-இல்லை
யாருமறியாமல் கழுத்தறுத்து கொல்லப்பட்டவரோ…
இல்லை இதுதான் என் அப்பன் அண்ணனின்
எச்சங்களாய் இருக்குமோ??